Festas e romarías

NO ANO 2021 NON HABERÁ FESTA DE NINGÚN TIPO

Por segundo ano consecutivo, debido ás circunstancias sanitarias actuais, o Concello de Mañón non celebrará ningunha festa. Agardamos que o vindeiro 2022 sexa o ano da volta á normalidade e podamos organizar festas e eventos de calidade e coas garantías sanitarias óptimas para todos os colectivos. 

 

Parroquia do Barqueiro

• Festa do Carme: fin de semana próximo ao 16 de xullo. Misa na lonxa e procesión coa virxe polo porto do Barqueiro.
• Romaría de Santa Rosa: fin de semana próximo ao 15 de agosto. Na Área Recreativa de Esteiro. (*se hai comisión de festas).
• Festas Patronais na honra da Virxe María: venres e sábado próximos ao 8 de setembro. “Noite Meiga” coa tradicional representación teatral e degustación de queimada e verbena. Organiza o Concello.
• Festa do Marisco: variable pero coincidente na semana da Ponte da Constitución. Xornada gastronómica con marisco da Ría do Barquero. Organiza o Concello.

Parroquia de Bares

• Pascua: fin de semana de Semana Santa na vila de Bares.
• San Pedro: domingo máis próximo ao 29 de xuño no porto (*se hai comisión de festas).

Parroquia de Riberas do Sor

• Exposición de camelias.: venres de Semana Santa. Organizada polo Concello
• Festa primeira fin de semana de agosto na honra do patrón San Cristóbal.

Parroquia de Mañón

• San Pedro: domingo máis próximo ao 29 de xuño (*se hai comisión de festas).
• Romaría en Ponte Segade: primeiro domingo de xullo. Coincidente co concurso de pesca de reo.
• Festa do Carme: cuarto domingo de setembro (*se hai comisión de festas).

Parroquia de Grañas do Sor

• San Antonio: 13 de xuño.
• San Mamede: próximo ao 15 de agosto.
• Festa do Rosario: 2 de outubro.