Este itinerario iníciase na beira dereita do río Sor na Área recreativa de Ponte Segade, río arriba. O percorrido segue co curso do río ata a arca recreativa e refuxio de Cascón onde pasando pola pequena ponte sobre o Sor volveremos pola outra beira ata o punto de inicio.
Este percorrido que nos achega até o refuxio do Cascón permítenos descubrir varios interesantes aspectos relacionados coa cultura tradicional destas terras e coa vexetación e a fauna da ribeira.
Este itinerario comeza na área recreativa de Ponte Segade. Tomamos o sendeiro que arranca río abaixo pola súa marxe esquerda, até o refuxio de Salustio, e despois de atravesar a ponte de cemento, regresamos ao punto de partida remontando o río pola outra beira.
A área recreativa de Ponte Segade foi unha das primeiras acondicionadas para o disfrute e conservación do medio e como apoio para os pescadores.
Neste itinerario é fácil que podamos ver no río unha elegante ave, sempre ligada aos ambientes húmidos: a garza real. Pódenos sorprender sobrevoando o río, ou quieta esperando algunha presa nunha curva do río, coas súas longas patas metidas na auga. Aliméntase de peixes, anfibios, réptiles, pequenos mamíferos e insectos...que atrapa co seu enérxico pescozo e un afiado pico que a modo de arpón atravesa as súas presas.
Partindo de Ambosores, o percorrido lévanos pola parte alta do río Sor, desde o seu nacemento como tal na confluencia dos regos de Tras da Serra e do Santar até o curso medio rematando na área recreativa de Ponte Segade, onde poderemos descansar e tomar forzas.
Senda preparada pola Xunta de Galicia, discorre pola beira do río, por un camiño preparada ao efecto, con escaleiras de pedra ou madeira para axudar en tramos máis dificultosos.
O percorrido discorre por zonas bastante chas, nas que atopamos bancos colocados para descansar.
Trátase dunha ruta de sendeirismo homologada en setembro de 2001 pola Federación Galega de Montañismo coa inscrición PR-G 8 que percorre na súa maior parte, a beira do río Sor.
Esta ruta comeza no Morgallón e nos leva até o refuxio de pescadores de Ulló para desde alí volver polo monte da Ínsua que ten unhas vistas panorámicas impresionantes sobre o río Sor ao noso punto de inicio.
.jpg "AMBOSORES - RIBEIRAS DO BISPO - PONTE SEGADE")
